بالبلدي.. "ليه المنتخب بيتألق في الأمم ومايعرفش حاجة اسمها مونديال" شاهد المحتوى الأصلي علي بوابة الفجر الاليكترونية - بالبلدي.. "ليه المنتخب بيتألق في الأمم ومايعرفش حاجة اسمها مونديال"

"بالبلدي" هي سلسلة كتابات يقدمها موقع "الفجر الرياضي" كل ثلاثاء ، يناقش خلالها الكاتب حدثاً رياضياً معيناَ، بشكل مبسط، ويسرد أفكاره باللغة العامية.



"ليه منتخب مصر بيتألق في كأس الأمم .. ومايعرفش حاجة اسمها مونديال ؟!"



حاجة غريبة جدا .. منتخب مصر دايما يعمل شغل عاليأوى في كأس الأمم الأفريقية .. وعنده كل الأرقام القياسية اللى فى البطولة دي بالطول و بالعرض .. منتخب مصر بيكسب كوت ديفوار والكاميرون وحوش غابة أفريقيا بالأربعة والخمسة .. ولو لعبهم تانى يوم في تصفيات كأس العالم هو اللى يخسر بالأربعة والخمسة و رايح جاي كمان .. طيب ايه هو السبب اللى خلانا ناخد بطولة الأمم 7 مرات ونوصل ك
أس العالم مرتين بس منهم مرة في العصر الحجري؟؟



1 – المصريون عموما بيعرفوا يلعبوا كويس في الدورات المجمعة .. يعني ايه .. يعني لما نلعب بطولة زى بطولة الأمم في بلد واحدة في 3 اسابيع ورا بعض بتكون نتائجنا افضل من اننا نلعب ماتش بملعبنا وبعد كدة نلعب واحد برة ملعبنا بعده ب 3 شهور .. زي تصفيات كأس العالم كدة .



2 – الافارقة كلهم بيلبسوا قميص المنتخب بتاعهم علشان هدف واحد بس .. هو الوصول لكأس العالم .. و بيعتبروا كاس اللأمم بطولة ترفيهية . بيخافو فيهم على رجليهم إللى جايبالهم ملايين في أنديتهم بأوروبا .. و بيظهر د9 في تجمعهم قبل البطولة بيومين تلاتة بس.



3 – تهويل الإعلام دايما من حجم بطولة امم افريقيا .. ودايما أول ما نوصل قبل نهائي فيها .. تلاقي الكل بيقول شدوا حيلكم يا فراعنة دي البطولة رقم 3 على مستوى العالم بعد كأس العالم و اليورو والعالم كله بيتابعها .. ونروح القارات تلاقي لاعيبة البرازيل وإيطاليا بيسألوا مصر دي بطلة ايه اسيا ولا الكونكاكاف

شاهد المحتوى الأصلي علي بوابة الفجر الاليكترونية - بالبلدي.. "ليه المنتخب بيتألق في الأمم ومايعرفش حاجة اسمها مونديال"